❗Only-Quran-Hadith-Quiz❗
Jawab ek se ziada hain!
Sawal: Inmein se wo kaun kaun si cheezain hai jo Rasool-Allah Sallallahu Alahih Wasallam ko aata ki gayi hain aur jo aur kisi Nabi ko nahi di gayeen hain?
A: Zameen ki chabiya aata ki gayi
B: Ahmed naam rakha gaya
C: Matti ko paak kar di gayi
D: Ummat ko sab se behtareen banaya gaya
E: Shaffat aata ki gayi
F: tamam insano ke liye Nabi bana kar bheja gaya
G: tamam zameen ko sajda gaah bana diya hai
H: Maal e Ganimat
I: Roab ke zariye madad ki gayi
J: Sahi Jawab ka Intezaar?
*******
Sahi Jawab - ABCDEFGHI✅
Rasool-Allah Sallallahu Alaihi wasallam ki Shaan
Reference📚:
----------------
Nabi Kareem Sallallahu Alahih Wasallam ne farmaya mujhe paanch cheeze aisi di gayi hain jo mujh se pehlay kisi ko nahi di gayi theen ek Mahine ki masafat se roab ke zariya meri madad ki gayi hai aur tamam zameen mere liye sajda gaah aur paki ke Layaq banai gayi pas meri ummat ka jo insaan namaz ke waqt ko (jahan bhi) pa le usse wahan he namaz ada kar leni chahiye aur mere liye ghanemat ka maal halal kiya gaya hai mujhse pehle ye kisi ke liye bhi halal nahi tha aur mujhe Shafaat ataa ki gayi aur tamam Anbia apni apni qoum ke liye maboos hote thy lekin mein tamam insanon ke liye aam taur per Nabi bana kar bheja gaya hon
------------
Sahih Bukhari Hadees # 335-Sahih
----------------
Sayedna Ali RadiAllahu Anhu bayan karte hain ke Rasool- Allah Sallallahu Alahih Wasallam ne farmaya mujhe wo cheezian ataa ki gayi hain, jo kisi Nabi ko nahi di gayeen. hum ne kaha Eh Allah ke Rasool Sallallahu Alahih Wasallam! wo kaun si hain? Aap Sallallahu Alaihi Wasallam ne farmaya roab ke saath meri madad ki gayi hai, mujhe zameen ki chabiyan ataa ki gayi hain, mera naam Ahmed rakha gaya hai, matti ko mere liye pakk karne wala bana diya gaya hain aur meri ummat ko sab se behtareen ummat banaya gaya hain.
---------------
Musnad Ahmed Hadees # 991-Sahih
No comments:
Post a Comment