Ek baar Rasool-Allah Sallalahu Alahi waSallam Khutba de rahe thy tabhi unhone Allah ki Qasam kha kar logo se farma rahe thy mujhe tumhare mutaliq kisi baat ka khauf nahi hai par darr hain?

❗Only-Quran-Hadith-Quiz❗

Ek baar Rasool-Allah Sallalahu Alahi waSallam Khutba de rahe thy tabhi unhone Allah ki Qasam kha kar logo se farma rahe thy mujhe tumhare mutaliq kisi baat ka khauf nahi hai par darr hain?

Sawal: Wo kis darr ka Zikr kar rahe thy?

A: Najaaiz tareeqe se maal hasil karna
B: Allah Subahanhu ka tumhe hikmat se nawazna 
C: Allah Subhanahu ke raah mein jihad na karna
D:  Allah Subhanahu ka tumhe Izzat se nawazna 
E: Allah Subhanahu ka tumhe Maal o Daulat se nawazna 
F: Allah Subhanahu ka tumhe Ilm se nawazna 
G: Fuzul karchi karna 
H: Inmein se koi nahi

I: Sahi Jawab ka Intezaar

Note agar jawab H hai toh sahi jawab likhiye

**************

Sahi Jawab - E✅

Reference📚:
-------
Rasool Allah Sallalahu Alahi Wasallam khadhe huwe aur khutba dete huwe logon se farmaya : Allah ki qasam, logo! Mujhe tumahray mutaliq kisi baat ka khauf nahi, haan sirf is baat ka dar hai ke Allah taala tumhe dunyawi maal o doulat se nawazay ga, Ek shakhs ne arz kiya : Allah ke Rasool Sallalahu Alahi waSallam! kya khair ( maal o doulat ) se shar paida hota hai? Yeh sun kar aap sallalahu Allahi  wasallam khamosh ho gaye, phir qadray sukut ke baad farmaya : Tum ne kaisay kaha tha? Mein ne arz kiya kya khair (yani maal o doulat ki zayad-ti ) se shar paida hota hai? Aap Sallalahu Alahi waSallam ne farmaya : Khair se to khair he paida hota hai, aur kya woh maal khair hai? Har woh sabza jisay mausam bahhar ugata hai, janwar ka pait phula kar bad_hazmi se maar dalta hai, ya marnay ke qareeb kar deta hai, magar is janwar ko jo ghaas khaye yahan tak ke jab pait phool kar us ke dono pehlu tan jayen to dhoop mein chal phir kar, pakhana pishaab kare, aur jugali kar ke hazam karle, aur wapas aa kar phir khaye, to isi terhan jo shakhs maal ko jaaiz tareeqay se haasil karega, to us ke maal mein barkat hogi, aur jo usay najaaiz taur par haasil karega, toh uski misaal aisi hai jaisay koi khaata rahe aur aasooda nah ho.
------
Sahih Hadees
Sunnan Ibne Maja Hadith, 3995