Rasool-Allah Sal-Allahu Alaihi wasallam ne farmaya ke kuch khaslate baais e Mojab hain?

 ❗Only-Quran-Hadith-Quiz❗

Jawab ek se ziada hai!

Rasool-Allah Sal-Allahu Alaihi wasallam ne farmaya ke kuch khaslate baais e Mojab hain?

Sawal: Inmein se baais e Mojab kise kaha gaya hai?

A: Haram aur Halal ki fikar karne wale

B: Allah ke saath shirk karte huye kisi ko maut ho aur wo jahannam mein jaye

C: Apne maal aur nafs ke saath Jihad karne wale

D: Allah ke saath kisi ko shareek na kare aur us par maut ho aur jannat mein jaye

E: Jung ke dauran faut hone wale

F: Hamal ke dauran faut hone wale

G: Beemari main faut ho aur uska ilaj na kiya ho

H: Qata taluq ki halat main faut hone wala

I: Sahi Jawab ka Intezaar?

***********

Sahi Jawab - BD✅

Reference📚:

-----------

Jabir RadiAllahu Anhu bayan karte hain, Rasool-Allah Sal-Allahu Alaihi wasallam ny farmaya do khaslate baais Mojab hain kisi shakhs ny arz kiya Allah ke Rasool Sal-Allahu Alaihi wasallam woh do Mojab kya hain? Aap Sal-Allahu Alaihi wasallam ny farmaya jo shakhs Allah ke sath shirk karta huwa faut ho jaye, to woh jahannum mein daakhil hoga aur jo shakhs is haal mein faut ho ke woh Allah ke sath kisi ko shareek nah banata ho to woh jannat mein dakhil ho

------------

Sahih Hadees

Mishkat ul Masabeeh Hadees # 38

Wo kaun se sahabi thy joh namaz ke liye masjid mein baithy rehtay aur miswaak har waqt unke kaan par hoti thi jaise katib ke kaan par qalam rehta hai?

 ❗Only-Quran-Hadith-Quiz❗

Sawal: Wo kaun se sahabi thy joh namaz ke liye masjid mein baithy rehtay aur miswaak har waqt unke kaan par hoti thi jaise katib ke kaan par qalam rehta hai?

A: Abu Huraira Radi Allahu anhu

B: Ammar Radi Allahu anhu

C: Abu Musa Ashri Radi Allahu anhu

D: Zaid Bin Khalid RadiAllahu

E: Ali Radi Allahu anhu

F: Umar Radi Allahu anhu

G: In mai se koi nahi

H: Sahi Jawab ka Intezaar?

**********

Sahi Jawab - D✅

Reference📚:

Zaid Bin Khalid RadiAllahu Anhu kehte hain ke mein naay Rasool-Allah Sallallahu Alahih Wasallam ko farmatay suna agar mein apni ummat par dushwari mehsoos nahi karta to har namaz ke waqt inhen miswaak karne ka hukum deta “Abu Salma (Abu Salma Bin Abdul Rahman) kehte hain mein naay Zaid bin Khalid RadiAllahu Anhu ko dekha ke woh namaz ke liye masjid mein baithy rehtay aur miswaak un ke kaan par hoti jaisay katib ke kaan par qalam laga rehta hai, jab namaz ke liye kharray hotay to miswaak kar letay (phir kaan ke oopar rakh letay)

-----------

Narrated Zayd ibn Khalid al-Juhani:

I heard the Messenger of Allah (ﷺ) say: Were it not hard on my ummah, I would order them to use the tooth-stick at the time of every prayer. AbuSalamah said: Zayd ibn Khalid used to attend the prayers in the mosque with his tooth-stick on his ear where a clerk carries a pen, and whenever he got up for prayer he used it.

Grade : Sahih (Al-Albani)  

Reference : Sunan Abi Dawud 47

In-book reference : Book 1, Hadith 47

English translation : Book 1, Hadith 47

Kaunsa Aamal sone chandi kharch karne se bhi behtar hai joh Allah Subhanahu ke nazdeek sabse pakizza aur bulad darje wala Aamal hai?

 ❗Only-Quran-Hadith-Quiz❗

Sawal: Kaunsa Aamal sone chandi kharch karne se bhi behtar hai joh Allah Subhanahu ke nazdeek sabse pakizza aur bulad darje wala Aamal hai?

A: Allah Subahnahu ka Zikr

B: Jihad

C: Waledain ki farma bardari karna

D: Padosi ko takleef na dena

E: Taqwa

F: Sabr

G: Sadqa

H: In mein se koi nahi

I: Sahi Jawab ka Intezaar?

***********

Sahi Jawab - A✅

Reference📚:

--------------

RasoolAllah (ﷺ) e farmaya kya mai tumhare Rabb ke nazdeek sab se pakiza aur sab se buland darjay walay amal ki khabar na dun? Wo amal tumhare liye sonay chandi kharch karne se behtar hai. Wo amal tumhare liye is se behtr hai ke tum maidan e jung mai apne dushman se takraao wo tumhari gardanein kaatay aur tum unki yaani jihad Logon ne kaha jee haan Aap (ﷺ) ne farmaya wo Allah SubahnahuTaala ka zikr hai Maaz Bin Jabal RadiAllahu Anhu kehte hain Allah ke zikr se badh kar Allah ke azaab se bachanay wali koi aur cheez nahi hai

---------------------------------

Abu Ad-Darda [may Allah be pleased with him] narrated that : The Prophet (ﷺ) said: “Should I not inform you of the best of your deed, and the purest of them with your Master, and the highest of them in your ranks, and what is better for you than spending gold and silver, and better for you than meeting your enemy and striking their necks, and they strike your necks?” They said: “Of course.” He said, “The remembrance of Allah [Most High].” [Then] Mu’adh bin Jabal [may Allah be pleased with him] said: “There is nothing that brings more salvation from the punishment of Allah than the remembrance of Allah.”

-----------------

‎رسول اللہ صلی اللہ علیہ وسلم نے فرمایا: ”کیا میں تمہارے سب سے بہتر اور تمہارے رب کے نزدیک سب سے پاکیزہ اور سب سے بلند درجے والے عمل کی تمہیں خبر نہ دوں؟ وہ عمل تمہارے لیے سونا چاندی خرچ کرنے سے بہتر ہے، وہ عمل تمہارے لیے اس سے بھی بہتر ہے کہ تم ( میدان جنگ میں ) اپنے دشمن سے ٹکراؤ، وہ تمہاری گردنیں کاٹے اور تم ان کی ( یعنی تمہارے جہاد کرنے سے بھی افضل ) “ لوگوں نے کہا: جی ہاں، ( ضرور بتائیے ) آپ نے فرمایا: ”وہ اللہ تعالیٰ کا ذکر ہے“، معاذ بن جبل رضی الله عنہ کہتے ہیں: اللہ کے ذکر سے بڑھ کر اللہ کے عذاب سے بچانے والی کوئی اور چیز نہیں ہے ۱؎۔ امام ترمذی کہتے ہیں: بعض نے یہ حدیث عبداللہ بن سعید اسی طرح اسی سند سے روایت کی ہے، اور بعضوں نے اسے ان سے مرسلاً روایت کیا ہے۔

--------------------

Grade: Hasan (Darussalam)

Reference : Jami` at-Tirmidhi 3377

In-book reference : Book 48, Hadith 8English translation : Vol. 6, Book 45, Hadith 3377

Rasool-Allah (ﷺ) ne apne marizull wafaat ke waqt kaun kaunsi batoh ki yaa kiske bare mein wasiyat ki thi?

 ❗Only-Quran-Hadith Quiz❗

Jawab ek se ziada hai

Sawal: Rasool-Allah (ﷺ) ne apne marizull wafaat ke waqt kaun kaunsi batoh ki yaa kiske bare mein wasiyat ki thi?

A. Namaz 

B. Dajjal

C. Ghulam

D. Mushriko ko jazeera arab se nikal dena

E. Wafad ke sath isi tarah khatir tawaza ka mamla karna jis  tarah mai karta tha

F. Apni zaban ki hifazat karna

G. Yahud Nasara ki tarah Ambiyao ki Qabro ko Masjid na banana

H. Ansar

I. Maut ke waqt Allah Ta'ala se husn zan rakhna

J. Sahi jawab ka intezar hai

******************

Sahi Jawab - ACDEGHI✅

Reference📚:

------------------

Rasool-Allah Sallallahu Alaihi ki aakhri baat(inteqal ke mauqe par)ye thi ke namaz ka khayal rakhna namaz ka khayal rakhna, aur jo tumhari milkiyat mai (ghulam aur laundi) hai un ke mamlat mai Allah se darte rehna.

Sunnan e Abu Dawood Hadees # 5156

https://sunnah.com/abudawud/43/384

------------------

Unho ne Ibne Abbas Radi Allahu Anhuma se suna aap ne jumerat ke din ka zikar karte huwe kaha,tumhe malum hai ke jumerat ka din,haye !ye kaunsa din hai? iss ke bad wo itna roye ke un ke aansowo se kankariya tar ho gaye Saeed ne arz kiya,ya Abu Abbas! Jumerat ke din se kya matlab hai? unho ne kaha ke isi din Rasool-Allah Sal-Allahu Alaihi Wasallam ki taklif (marzul maut)mai shiddat paida huwi thi aur Aap sallallahu alaihi wasallam ne farmaya tha ke mujhe(likhne ka)ek kaghaz dey do take mai tumhare liye ek aise kitab likh jao,jis ke bad tum kabhi gumrah na ho.iss par logo ka ikhtilaf ho gaya.Nabi sallalahu alaihi wasallam ne khud hi farmaya ke Nabi ki maujudgi mai jhagadna ghair munasib hai,dosre log kahne lage,bhala kya Aan hazrat sallalahu alaihi wasallam be kar bate farmaye ge achcha,phir poch lo,ye soon ker Aanhazrat sallalahu alaihi wasallam ne farmaya ke mujhe meri halat par chod do,kiyonki iss waqt mai jis aalam mai ho,wo iss se bahter hai jis ki taraf tum mujhe bula rahe ho.iss ke bad Aanhazrat sallalahu alaihi wasallam ne teen baton ka hukam farmaya,ke mushriko ko jazeera arab se nikal dena aur wafad ke sath isi tarah khatir tawaza ka mamla karna, jis tarha mai karta tha. teesri bat kuch bhali si thi,ya to saeed ne usko bayan na kiya,ya mai bhool gaya.sufiyan ne kaha ye jumla(teesri bat kuch bhali si thi)Sulaiman ka kalam hai.

Reference : Sahih al-Bukhari 3168

In-book reference : Book 58, Hadith 10

USC-MSA web (English) reference : Vol. 4, Book 53, Hadith 393

------------------

Abu baker aur abbas radi Allahu anhuma Ansar ki ek majlis se guzre, dekha ke tamam ahle majlis ro rahe hai,pocha aap log kiyo ro rahe hai?majlis walo ne kaha ke abhi hum Rasool-Allah Sal-Allahu Alaihi Wasallam ki majlis ko yaad kar rahe they jis mai hum baitha karte they(ye Aap Sallallahu Alaihi Wasallam ke marzul wafat ka waqia hai)iss ke bad ye Aap Sallallahu Alaihi Wasallam ki khidmat mai hazir huwe aur aap ko waqia ki ittala di,bayan kiya ke iss per Aap Sallallahu Alaihi Wasallam baher tashrif laye,sir mubarak par kapde ki patti bandhi howi thi,rawi ne bayan kiya ke phir aap membar par tashrif laye aur uske bad phir kabhi menbar par tashrif na la sake,Aap ne Allah ki hamd o sana ke bad farmaya mai tumhe Ansar ke bare mai wasiyat karta ho ke wo mere jism o jaan hai,unho ne apni tamam zimmedariya pori ki hain laikin iska badla jo unhe milna chahye tha,wo milna abhi baqi hai,iss liye tum log bhi un ke naik logo ki naikiyo ki qadar karna aur un ke khata karo se dar guzar karte rahna.

Sahih Bukhari Hadees # 3799

------------------

Jab Nabi kareem sallalahu alaihi wasallam marzul wafta mai mubtila huwe to aap Sallallahu Alaihi Wasallam apni chadar ko bar bar chahre par dalte jab kuch afaqa hota to apne mubarak chehre se chadar hata detey.Aap sallalahu alaihi wasallam ne isi izterab o pareshani ki halat mai farmaya, yahood o nasara par Allah ki phatkar ho ke unho ne apne ambiya ki qabro ko masjid bana liya. Aap sallalahu alaihi wasallam ye farma ker ummat ko aise kamo se darate they.

Sahih Bukhari Hadees # 436

------------------

Jabir Radi Allahu Ta'ala anhu se rivayat ki unho ne kaha :mai ne Rasool-Allah Sal-Allahu Alaihi Wasallam ko aap ki wafat se teen deen pahle ye farmate howe suna: "tum mai se her shakhs ko isi halat mai maut aaye ke wo Allah ke mutalliq husn zan rakhta ho (Yani khatma ke waqt Allah Ta'ala ki rahmat se na ummed na ho balke ummed rakhe apne malik ke fazl o karam par aur guman rakhe apni nijat aur maghfirat ka)."

Sahih Muslim Hadees # 7229

Kounse Ammal karne se buri mout se nijaat ya bacha jaa sakta hain..?

 ❗Only-Quran-Hadith-Quiz❗

Ek Se Ziada Jawab

Sawal : Kounse Ammal karne se buri mout se nijaat ya bacha jaa sakta hain..?

A. Allah k liye muhabbath

B. Allah k liye nafarath

C. Yateem ki kifalat (Parwarish)

D. Allah k liye jihaad

E. Allah ka khauf

F. Namaz ki pabandi

G. Sadqa dena

H. Waldein ki khidmat

I. Sila Rehmi karna

J. Allah k liye Nikah karna

K. Neki karna burai se rokna

L. Sahi jawab ka intezaar

************

Sahi Jawab : E I G (EGI) ✅

Reference:

RasoolAllah (ﷺ) ne farmaya : ”Sadqa rab ke ghusse ko bujha deta hai aur buri mout se bachata hai “

-----------

Anas bin Malik narrated that : The Messenger of Allah said: "Indeed charity extinguishes the Lord's anger and it protects against the evil death."

------------

 رسول اللہ (ﷺ) نے فرمایا: ”صدقہ رب کے غصے کو بجھا دیتا ہے اور بری موت سے بچاتا ہے“۔ 

-----------

Sahih Hadees

Jam e Tirmazi Hadees # 664

-----------

 ۔ (۹۰۴۹)۔ عَنْ عَلِیٍّ ‌رضی ‌اللہ ‌عنہ ‌ عَنِ النَّبِیِّ ‌صلی ‌اللہ ‌علیہ ‌وآلہ ‌وسلم  قَالَ: ((مَنْ سَرَّہُ اَنْ یُمَدَّ لَہُ فِیْ عُمُرِہِ وَیُوْسَعَ لَہُ فِیْ رِزْقِہِ، وَیُدَفَعَ عَنْہُ مِیْتَۃُ السُّوْئِ، فَلْیَتَّقِ اللّٰہَ، وَلْیَصِلْ رَحِمَہُ۔)) (مسند احمد: ۱۲۱۳)

-----------

Syedna Ali ‌Radi Allahu Anhu bayan karte hain ke RasoolAllah ‌(ﷺ) ne farmaya : jis ko yeh baat achi lagti hai ke is ki Umar lambi kar di jaye aur is ke rizaq mein izafah kar diya jaye aur buri mout ko is se dafaa kar diya jaye to woh Allah taala se darre aur sila rehmi kare.

-----------

 ۔ سیدنا علی ‌رضی ‌اللہ ‌عنہ بیان کرتے ہیں کہ رسول اللہ  ‌‌(ﷺ) نے فرمایا:  جس کو یہ بات اچھی لگتی ہے کہ اس کی عمر لمبی کر دی جائے اور اس کے رزق میں اضافہ کر دیا جائے اور بری موت کو اس سے دفع کر دیا جائے تو وہ اللہ تعالیٰ سے ڈرے اور صلہ رحمی کرے۔ 

------------

Sahih Hadees

Musnad Ahmed Hadees # 9049

Mushrikeen se jihad kerne ke liye hame Inme se kin kin cheezon ka istemal kerne ko kaha gaya?

 ❗Only-Quran-Hadith Quiz❗

Sawal:: Mushrikeen se jihad kerne ke liye hame Inme se kin kin cheezon ka istemal kerne ko kaha gaya?

A. Hijrat ka

B. Jaan ka

C. Gharwalo ka

D. Janwaro ka

E. Maal ka

F. Zuban ka

G. Dua ka

H. Sahi jawaab ka intezaar

*****

Sahi Jawab -BEF ✅

-------------------------------------------

حَدَّثَنَا مُوسَى بْنُ إِسْمَاعِيلَ، حَدَّثَنَا حَمَّادٌ، عَنْ حُمَيْدٍ، عَنْ أَنَسٍ، أَنَّ النَّبِيَّ صلى الله عليه وسلم قَالَ ‏:‏ ‏ "‏ جَاهِدُوا الْمُشْرِكِينَ بِأَمْوَالِكُمْ وَأَنْفُسِكُمْ وَأَلْسِنَتِكُمْ ‏"‏ ‏.‏

--------------------------------

Anas radhi Allahu anhu kehte hain ke Nabi akram sale Allah aleh wasallam ne farmaya : ”Mushrikoon se apne amwal, apni jaanun aur zabanon se jihaad karo

------------------------

Narrated Anas ibn Malik:

The Prophet (ﷺ) said: Use your property, your souls and your tongues in striving against the polytheists.

---------

Grade : Sahih (Al-Albani)   صحيح   (الألباني) حكم     :

Reference : Sunan Abi Dawud 2504

Ek baar ek bail insano se baate karne laga aur us par Rasool-Allah Sallaahu Alaihi wasallam ne kuch sahaba ka naam lekar farmaya ki is baat ke haq hone par mere saath saath .................... ka bhi imaan hai , wo sahaba kaun they ?

 ❗Only-Quran-Hadith-Quiz❗

Jawab ek se ziada hain

Sawal : Ek baar ek bail insano se baate karne laga aur us par Rasool-Allah Sallaahu Alaihi wasallam ne kuch sahaba ka naam lekar farmaya ki is baat ke haq hone par mere saath saath .................... ka  bhi imaan hai , wo sahaba kaun they  ?

A. Ali Radi Allahu anhu

B. Hassan Bin Sabit Radi Allahu anhu

C. Abu Baker Radi Allahu anhu

D. Abu Ubaida Bin Jarrah Radi Allahu anhu

E. Umar Bin Khattab Radi Allahu anhu

F. Usama Bin Zaid Radi Allahu anhu

G. Hasan Bin Ali Radi Allahu anhu

H. Abu Huraira Radi Allahu anhu

I. Sahi jawab ka intezar hai

*****

Sahi Jawab - CE✅

Reference📚:

---------------

Syedna Abu Huraira RadiAllahu Anhu se riwayat hai ke Rasool-Allah Sallallahu Alahih Wasallam ny hamein namaz parhai, phir Aap Sallallahu Alahih Wasallam ny hamari taraf mutwajjah ho kar farmaya ek dafaa ek aadmi bail ko hanke ja raha tha ke woh is par sawaar hogaya aur is ny usay mara, agay se bail ny bol kar kaha ke hamein sawari ke liye to paida nahi kiya gaya, hamein to kheti baari ke liye paida kiya gaya hai logon ny yeh baat sun kar Azrah taajjub kaha Subhan Allah! bail bate karne laga to Aap Sallallahu Alahih Wasallam ny farmaya is baat ki sadaqat par mera, Abu Bakr aur Umar ka bhi Imaan hai halaanke syedna Abu Bakr aur Syedna Umar RadiAllahu Anhu wahan maujood nahi thy phir Aap Sallallahu Alahih Wasallam ny farmaya ek dafaa ek aadmi apni bakriyon ke raywar mein tha ke ek bhediye ny hamla karkay ek bakri ko uchak liya, is ny is ka peecha karkay usay ja liya aur is se bakri ko churra liya, to bhediye ny bol kar kaha arrey to ny aaj to usay mujh se churra liya, fitnon ke dinon mein jab log maweshion ko yuhn chore kar bhaag jayen ge aur is din mere siwa un ka koi charwaha (Muhafiz) nahi hoga, tab un ko mujh se kaun bachaaye ga? Logon ny yeh sun kar bhi Azzrah taajjub kaha Subhan Allah! Behdiya Insanon ki terhan baate karne laga lekin Aap Sallallahu Alahih Wasallam ny farmaya is baat ki sadaqat par mera, Abu Bakr ka aur Umar ka bhi Imaan hai halaanke woh dono is waqt wahan mojood nah they.

-----------------

سیدنا ابو ہریرہ رضی اللہ عنہ  سے روایت ہے کہ رسول اللہ صلی اللہ علیہ وآلہ وسلم  نے ہمیں نماز پڑھائی، پھر آپ  صلی اللہ علیہ وآلہ وسلم  نے ہماری طرف متوجہ ہو کر فرمایا :  ایک دفعہ ایک آدمی بیل کو ہانکے جا رہا تھا کہ وہ اس پر سوار ہوگیا اور اس نے اسے مارا، آگے سے بیل نے بول کر کہا کہ ہمیں سواری کے لیے تو پیدا نہیں کیا گیا، ہمیں تو کھیتی باڑی کے لیے پیدا کیا گیا ہے۔  لوگوں نے یہ بات سن کر ازراہ تعجب کہا: سبحان اللہ! بیل باتیں کرنے لگا۔ تو آپ  صلی اللہ علیہ وآلہ وسلم  نے فرمایا:  اس بات کی صداقت پر میرا، ابو بکر اور عمرکا بھی ایمان ہے۔  حالانکہ سیدنا ابو بکر اور سیدنا عمر  رضی اللہ عنہما  وہاں موجود نہیں تھے۔ پھر آپ  صلی اللہ علیہ وآلہ وسلم  نے فرمایا:  ایک دفعہ ایک آدمی اپنی بکریوں کے ریوڑ میں تھا کہ ایک بھیڑیئے نے حملہ کرکے ایک بکری کو اچک لیا، اس نے اس کا پیچھا کرکے اسے جا لیا اور اس سے بکری کو چھڑا لیا، تو بھیڑیئے نے بول کر کہا: ارے تو نے آج تو اسے مجھ سے چھڑا لیا، فتنوں کے دنوں میں جب لوگ مویشیوں کو یونہی چھوڑ کر بھاگ جائیں گے اور اس دن میرے سوا ان کا کوئی چرواہا (محافظ) نہ ہوگا، تب ان کو مجھ سے کون بچائے گا؟  لوگوں نے یہ سن کر بھی ازراہ تعجب کہا: سبحان اللہ! بھیڑیا انسانوں کی طرح باتیں کرنے لگا۔ لیکن آپ  صلی اللہ علیہ وآلہ وسلم  نے فرمایا:  اس بات کی صداقت پر میرا، ابو بکر کا اور عمر کا بھی ایمان ہے۔  حالانکہ وہ دونوں اس وقت وہاں موجود نہ تھے۔ 

--------------

Sahih Hadees

Musnad Ahmed Hadees # 11573