In mein se kaun kaun se logo ko badtarheen shakhs kaha gaya hai?

 ❗Only-Quran-Hadith-Quiz❗

Jawab ek se zyada hai!

Sawal: In mein se kaun kaun se logo ko badtarheen shakhs kaha gaya hai?

A: Bad Kalami karne wala

B: Bahut zayda bolne wala

C: Maal ki hiras karne wala

D: Chugali karne wala

E: Logo ko beech mein judai dalne wala 

F: Beqasur logo per Gunah ka ilzam lagane wala

G: Bande per lanat karne wala

H: Kafir

I: Bohtan lagane wala

J: Sahi Jawab ka Intezaar?

**************

Sahi Jawab - ADEFH✅

Reference📚

Aisha Radi Allahu Anhu kehti hain k eek aadmi ne andar aane ki ijazat mangi mein Aap (ﷺ) ke paas thi Aap (ﷺ) ne farmaya yeh apne khandan ka bura aadmi hai phir usay ijazat de di aur narmi se baatein karne lagey jab woh chala gaya to mein ne kaha Eh Allah ke Rasool (ﷺ) aap ne is ke baare mein ye baatein kahin, phir is se narmi se baatein karne lag gaye? Aap (ﷺ) ne farmaya Eh Aisha Radi Allahu Anhu logon mein bad tareen woh shakhs hai jise log iski bad kalami ki wajah se chore den

-------

Sahih Hadees

Al-Silsila-tus-Sahiha Hadees # 463

------

Abu malik ashari radi Allahu anhu se rivayat hai ki Rasool-Allah sallallahu alaihi wasallam ne farmaya iss ummat mai se Allah ke behtreen bande wo hai ke jinhe dekh kar Allah subhanahu yaad aa jata hai , aur iss ummat ke badtareen log wo hain jo chugal khor hain aur jo dosto (ya muhabbat karne walo) ke beech mein judayee karwate hain aur jo bequsur (pak daman) logo par gunaho ka ilzam lagate hain 

Sahih Hadees

Al-Silsila-tus-Sahiha-3412

---------

Beshaq Jo log kaafir hain , Ahla-e-kitaab (mein se) aur mushrik wo dojakh ki Aag mein parey rahngey (aur) hamesha usmein rahngey , Ye log sab makhluq se badtar hain Beshaq jo log imaan laye aur neik kaam kartey rahey wo tamam makhluq se behtar hain 

Al Quran , Surah Bayyina (98), verse 6-7